राज्यात अनेक ठिकाणी अवकाळी पावसाने हजेरी लावली आहे. अशात आता विदर्भातही हवामान खात्याकडून पावसाचा इशारा देण्यात आला आहे. विदर्भात आणखी तीन दिवस गारपिटी होण्याची शक्यता वर्तवण्यात आली आहे. या पावसामुळे अनेक पिकांचे नुकसान होण्याची शक्यता नाकारता येत नाही.
आधीच वातावरण थंड आहे त्यात पाऊस पडल्याने वातावरणात आणखी गारवा निर्माण झाला आहे. गेल्या २४ तासात गोंदिया, यवतमाळ, अकोला जिल्ह्यात गारपिटीची नोंद झाली तर आज कोकणात काही ठिकाणी तुरळक पावसाचा अंदाज व्यक्त आहे. उद्या म्हणजेच 19 फेब्रुवारी २०२१ रोजी मात्र मध्य महाराष्ट्र आणि मराठवाड्याला जोरदार पावसाचा इशारा देण्यात आला आहे.
18 तारखेला मध्य-महाराष्ट्रातील खानदेश, नाशिक, नगर आणि पुणे जिल्ह्यांत वादळी पावसाचा अंदाज आहे आणि काही प्रमाणात गारपिटीची शक्यता नाकारता येणार नाही. 19 तारखेला काही प्रमाणात आभाळी हवामान राहील, परंतु हवामानात स्थिरता यायला सुरुवात होईल, आणि 20 तारखेपासून राज्यात हवामान पूर्णपणे स्थिर होईल.
पुणे शहर आणि परिसरात पुढील तीन दिवस ढगाळ वातावरण आणि हलक्या स्वरूपाच्या पावसाची शक्यता वर्तवण्यात आली आहे. येत्या शुक्रवारपर्यंत आकाश अंशतः ढगाळ राहणार असून दुपारनंतर मेघगर्जनेसह हलक्या स्वरूपाच्या पावसाचा इशारा पुणे वेधशाळेकडून देण्यात आला आहे.
महत्वाच्या बातम्या : –
बटाटा पिकावरील महत्त्वाच्या रस शोषणाऱ्या किडींचे व्यवस्थापन
गोंदिया जिल्ह्यात अनेक भागात अवकाळी पावसाची हजेरी
अवकाळी पावसामुळे रब्बी पिकांचे मोठ्या प्रमाणात नुकसान
शेतकऱ्यांचे आज देशभर रेल रोको आंदोलन