सध्या देशात सर्वांचेच लक्ष लसीकरणाच्या कार्यक्रमाकडे लागले आहे. लसीकरण हाच करोना व्हायरसचा फैलाव रोखण्याचा एकमेव मार्ग आहे. या व्हायरसमुळे जगभरात आतापर्यंत कोटयवधी लोकांनी आपले प्राण गमावले आहेत. लॉकडाउन हा या आजाराचा फैलाव रोखण्याचा एक मार्ग आहे. भारतात या लॉकडाउनमुळे आतापर्यंत मोठे नुकसान झाले आहे. जिवीतहानी बरोबर आर्थिक हानी देखील मोठी झाली आहे. कोटयवधी लोकांचे रोजगार बुडाले. त्यामुळे सर्वांचेच लक्ष लसीकरणाकडे लागलेले असताना सरकारने एक महत्त्वाची घोषणा केली आहे.
सरकारने कोव्हिशिल्ड आणि स्वदेशी कोव्हॅक्सिन या दोन करोना प्रतिबंधक लसींना आपत्कालीन मर्यादीत वापर करण्यास मान्यता दिली आहे. केंद्र सरकारने आज याबाबत महत्त्वाची घोषणा केली. देशात येत्या १६ जानेवारीपासून करोना प्रतिबंधक लसीकरणास सुरुवात होणार आहे.
लसीकरणात आरोग्य क्षेत्रातील कर्मचारी आणि करोना योद्धयांना पहिले प्राधान्य दिले जाणार आहे. पहिल्या टप्प्यात तीन कोटी नागरिकांच्या लसीकरणाची योजना आहे. त्यानंतर ५० वर्षावरील व्यक्ती आणि को-मोर्बिडीटी असणारे ५० पेक्षा कमी वयाच्या लोकांना लसीचे डोस दिले जातील.
महत्वाच्या बातम्या : –
‘या’ तारखेपासून देशभरात होणार लसीकरणाला सुरुवात
बर्ड फ्लूमुळे ग्राहकांनमध्ये वाढली भीती, चिकन 45 रुपयांनी स्वस्त
देशातील कापसाचे उत्पादन मागील हंगामाच्या तुलनेत कमी
लखीमपूर खीरीची खेरीगढ गाय आहे आश्चर्यकारक, त्याची वैशिष्ट्ये वाचा
जेव्हा मुख्यमंत्री आपला ताफा अचानक थांबवून शेतकऱ्यांच्या व्यथा जाणून घेतात