बाजारात साधारण 20 ते 40 रुपये किलोपासून भाजी मिळते हे आपल्यला माहित आहे. मात्र तुम्ही कधी एका किलो भाजी साठी तब्बल 82 हजार रुपये खर्च केले आहेत काय ? नाही ना पण हे खरं आहे कि तब्बल 82 हजार रुपये किलोची भाजी बिहारच्या औरंगाबादमध्ये पिकवली जात आहे. सुरुवातीला विश्वासच बसणार नाही. पण हो हे खरं आहे. बिहारच्या औरंगाबादमध्ये 82 हजार रुपये किलो विकणारी भाजी पिकवली जात आहे. या भाजीची शेती केली जात असून ही जगातील सर्वात महागडी भाजी असल्याचं सांगितलं जात आहे. भाजीची किंमत ऐकून अनेकांना धक्का बसला आहे.
बिहारच्या औरंगाबादमधील एक शेतकरी जगातील सर्वात महागडी भाजी पिकवत आहे. आजूबाजूच्या लोकांना त्याने काय पिकले हे समजत नाही. ते कोठे विकतील? त्याची भाजी कोण खरेदी करेल? ते कसे शिजवले जाईल? असं असलं तरी, एवढी महाग भाजी कोण खाईल? असे अनेक प्रश्न आजूबाजूच्या लोकांना पडली आहे.
जगातील सर्वात महागड्या भाजीचे नाव हॉप शूट्स आहे. आंतरराष्ट्रीय बाजारात एक किलो हॉप शूटची किंमत 1 हजार युरो म्हणजेच 82 हजार रुपये आहे. ही अशी भाजी आहे जी तुम्हाला आजपर्यंत कोणत्याही स्टोअरमध्ये किंवा बाजारात क्वचितच दिसते. हे बघायचं असेल तर बिहारच्या औरंगाबाद येथील शेतकरी अमरेशकुमार सिंग यांच्या शेतात यावं.
नवीननगर ब्लॉकमधील करमडीह गावात त्याने या भाजीची लागवड केली आहे. अमरेश यांच्या म्हणण्यानुसार भारतीय भाजीपाला संशोधन वाराणसीचे कृषी वैज्ञानिक डॉ. लाल यांच्या देखरेखीखाली 5० किलो जागेवर त्याची चाचणी केली गेली आहे. 2 महिन्यांपूर्वी याचं रोप लावण्यात आलं होतं. आता हळूहळू हे रोप मोठं होत आहे. रोपाबरोबरच अमरेशच्याही अपेक्षा मोठ्या प्रमाणात वाढत आहेत.
भाजी मार्केटमध्ये हॉप शूट्स उपलब्ध नाहीत. याचा वापर अँटीबायोटीक औषधं तयार करण्यासाठी आणि टीबीच्या आजारात औषध तयार करण्यासाठी केला जातो. या रोपांच्या फुलांचा वापर बिअर तयार करण्यासाठी केला जातो. या फुलांना हॉप कोन्स म्हणतात. तर बाकी फांद्यांचा उपयोग खाण्यासाठी केला जातो. यापासून लोणचंही तयार केलं जातं. जे खूप महाग असतं.
यांची युरोपियन देशांमध्ये मोठ्या प्रमाणात लागवड केली जाते. ब्रिटन आणि जर्मनीमध्ये लोकांना हे खूप आवडते. वसंत ऋतू सुरू हा हॉप शूट्स या भाजीसाठी अतिशय योग्य मानला जातो. भारत सरकार आज या भाजीपाल्याच्या लागवडीबद्दल वैज्ञानिक संशोधन करीत आहे. वाराणसी येथील भाजीपाला संशोधन संस्थेमध्ये त्याच्या लागवडीबाबत बरेच काम सुरू आहे. अमरेश यांनी या शेतीसाठी विनंती केली होती, ज्याला मान्यता देण्यात आली आहे.
महत्वाच्या बातम्या : –
रुटस्टॉक बागेची छाटणी कशी करावी?
शेतकरी आंदोलनावर लता मंगेशकर म्हणाल्या….
‘हे हिटलरचे सरकार आहे’ – प्रकाश आंबेडकर
चिराटा प्लांटचे फायदे आणि तोटे, नक्कीच वाचा