नत्र:
झाडाची खालची पाने पिवळी होतात मुळाची व झाडांची वाढ थांबते, फूट व फळे कमी येतात.
उपाय:
१% युरियाची फवारणी करावी. (१०० ग्रॅम + १० लिटर पाणी)
स्फुरद:
पाने हिरवट लाबट होऊन वाढ खुंटते, पानाचीं मागील बाजू जांभळट होते.
उपाय:
१-२% (१०० ते २०० ग्रॅम प्रति १०लिटर पाण्यातून) डायअमोनियम फॉस्फेट फवारणी करावी.
पालाश:
पानांच्या कडा ताबटसर होऊन पानांवर तांबडे व पिवळे ठिपके पडतात. खोड आखुड होवून शेंडे गळून पडतात.
उपाय
१% सल्फेट ऑफ पोटॅशची फवारणी करावी.(१०० ग्रॅम + १० लिटर पाणी)
लोह:
शेड्याकडील पानाच्या शिरामधील भाग पिवळा होतो. झाडांची वाढ खुंटते.
उपाय
२५ किलो फेरस सल्फेट जमिनीतून शेणखतासोबत देणे किंवा ०.२% चिलेटेड लोहाची फवारणी करणे.
बोरॉन:
झाडाचा शेंडा व कोवळी पाने पांढरट होऊन मरतात.
सुरकुत्या पडून पिवळे चट्टे पडतात.फळांवर तांबडे ठिपके पडून भेगा पडतात.
उपाय:
५० ग्रॅम बोरीक असिड
पावडर १० लिटर पाण्यातून पानांवर फवारणी करावी.
जस्त:
पाने लहान होऊन शिरांमधील भाग पिवळा होतो व पाने ठिकाणी वाळलेले दिसतात.
उपाय:
हेक्टरी १० ते २० किलो झिंक सल्फेट जमिनीतून शेणखतासोबत द्यावे किंवा ०.२% चिलेटेड झिंक पिकांवर फवारावे.
मंगल:
पानांच्या शिरा हिरव्या व शिरांमधील भाग क्रमाक्रमाने पिवळा होतो व नंतर पांढरट व करडा होतो, संपूर्ण पान फिक्कट होऊन नंतर पान गळते.
उपाय:
हेक्टरी १० ते २५ किलो मॅंगेनीज सल्फेट जमिनीतून खतासोबत द्यावे किंवा ०.२% चिलेटेड मंगल ची फवारणी करावी.(२० ग्रॅम +१० लिटर पाणी).
मॉलिब्डेनम:
पाने पिवळी होऊन त्यावर तपकिरी ठिपके पडतात. पानाच्या मागच्या बाजूने तपकिरी डिंकासारखा द्रव स्त्रवतो.
उपाय:
हेक्टरी पाव ते अर्धा किलो सोडियम मॉलिबडेट जमिनीतून द्यावे.
तांबे:
झाडांच्या शेंड्याची वाढ खुंटते. झाडांना डायबॅक नावाचा रोग होतो. खोडाची वाढ कमी होते, पाने लगेच गळतात.
उपाय:
मोरचूद ४० ग्रॅम १० लिटर पाण्यात मिसळून फवारावे.
गंधक:
झाडांच्या पानांचा मूळचा हिरवा रंग कमी होतो व नंतर पाणी पूर्ण पिवळी पांढरी पडतात.
उपाय: हेक्टरी २० ते ४० किलो गंधक जमीनींतून शेण खतासोबत द्यावे.
जैविक शेतकरी
शरद केशवराव बोंडे
९४०४०७५६२८
महत्वाच्या बातम्या : –
जाणून घ्या चांगले कुजलेले सेंद्रीय खतबद्दल संपूर्ण माहिती
ई-नाम योजनेंतर्गत आणखी १००० नवीन मंडी सुरू करण्यात येणार , शेतकऱ्यांना याचा लाभ मिळणार
कृष्णा फळाच्या लागवडीतून विनोद पाटीदार कमवत आहे मोठा नफा
सुप्रिया सुळे गाझिपूर बॉर्डवर, आंदोलक शेतकऱ्यांची घेतली भेट
‘या’ ठिकाणी पिकतेय जगातील सर्वात महागडी भाजी, किंमत तब्बल 82 हजार रुपये