दुधाचे फायदे आणि इतर पदार्थांपासून उत्पादित होणाऱ्या दुधाबाबत शास्त्रीय अभ्यास करावा – केंद्र सरकार
गोवंशापासून मिळणाऱ्या दुधाचे फायदे आणि इतर पदार्थांपासून उत्पादित होणाऱ्या दुधाबाबत शास्त्रीय अभ्यास करावा, अशा सुचना केंद्र सरकारने दिल्या आहेत. बिगर गोवंशापासून तयार होणाऱ्या दुधाच्या विक्रीबाबत ग्राहकांना माहिती देताना सध्या देशभर वेगवेगळी माहिती दिली जात असल्याचे चित्र पहायला मिळत आहे.
ही बाब केंद्रीय पशुसंवर्धन सचिव अतुल चतुर्वेदी यांनी भारतीय कृषी संशोधन परिषदेला कळवली आहे. गोवंशापासून मिळणाऱ्या दुधाच्या दर्जाला कमी लेखणारी माहिती दिली जात असल्याने ग्राहकांमध्ये संभ्रम तयार होतो. त्यामुळे देशाच्या मत्स्य, पशुसंवर्धन व दुग्ध विकास मंत्रालयाने चिंता व्यक्त केली आहे.
आयसीएआर महासंचालक डॉ. त्रिलोचन महापात्रा यांना लिहिलेल्या पत्रात डॉ. चतुर्वेदी यांनी स्पष्ट केले आहे, की कृषी मंत्रालआने सर्व कृषी विद्यापीठे आणि डेअरी तंत्रज्ञान महाविद्यालयांना दोन्ही दुधांबाबत अभ्यास करण्यास सूचित करावे.याशिवाय गोवंशाच्या दुधाबाबत सुरु असलेल्या अपप्रचाराला तोंड देणारी योग्य माहिती देखील ग्राहकांपर्यंत न्यावी.
सुत्रांच्या म्हणण्यानुसार, गाय, म्हैस अशा गोवंशाच्या दुधापासून मिळणाऱ्या पोषणमूल्यांची उपयुक्तता मोठी आहे. वयोवृद्ध तरुण तसेच तरुणांसाठी पूर्णान्न म्हणून या दुधाचे शेकडो वर्षांपासून सिद्ध झालेले आहेत. अशा स्थितीत या दुधाचे महत्व कमी करणारी माहिती देशभर पसरवली जात आहे.
महत्वाच्या बातम्या : –
औरंगाबाद कृषी उत्पन्न बाजार समितीमध्ये मोसंबीची ५ क्‍विंटल आवक
आज होणारी ट्रॅक्टर मार्चवरील सुनावणी तहकूब
स्वीट कॉर्न लागवडीसाठी अनुदान कसे मिळवायचे ते जाणून घेऊया