जून ते ऑक्‍टोबर 2020 या कालावधीत विविध जिल्ह्यात झालेली अतिवृष्टी व पुरामुळे बाधित झालेल्या शेतकऱ्यांना मदत करण्यासाठी नुकसान भरपाईच्या दुसऱ्या हप्त्यापोटी 2 हजार 192 कोटी 89 लाख 5 हजार रुपयांचा निधी वितरित करण्यात आला असल्याची माहिती मदत व पुनर्वसन, आपत्ती व्यवस्थापन मंत्री विजय वडेट्टीवार यांनी दिली.
गेल्या वर्षी जून ते ऑक्‍टोबर दरम्यान राज्यात विविध जिल्ह्यांमध्ये अतिवृष्टी व पुरामुळे बाधित झालेल्या शेतकऱ्यांना नुकसानभरपाई देण्यात येईल, असे जाहीर केले होते. त्यानुसार पहिल्या टप्प्यातील मदत 2 हजार 297 कोटी 6 लाख रूपये नोव्हेंबर 2020 मध्ये वितरित करण्यात आले होते. तर आता दुसऱ्या हप्त्यापोटी 2 हजार 192 कोटी 89 लाख 5 हजार रुपयांचा निधी वितरित करण्यात आला आहे.
जून ते ऑक्‍टोबर 2020 या कालावधीत राज्यात अतिवृष्टी व पुरामुळे शेतीपिकांचे व बहुवार्षिक पिकांचे किमान 33 टक्के नुकसान झाले आहे. अशा बाधित शेतकऱ्यांना शेतीपिकांच्या (जिरायत व आश्वासित सिंचनाखालील पिके) नुकसानीसाठी रु.10 हजार प्रती हेक्‍टर व बहुवार्षिक पिकांच्या नुकसानीसाठी 25 हजार प्रती हेक्‍टर या दराने 2 हेक्‍टरच्या मर्यादेत मदत देण्याचे निर्देश असल्याची माहिती वडेट्टीवार यांनी दिली.
महत्वाच्या बातम्या : –
‘या’ तारखेपासून देशभरात होणार लसीकरणाला सुरुवात
‘या’ तारखेपासून देशभरात होणार लसीकरणाला सुरुवात
बर्ड फ्लूमुळे ग्राहकांनमध्ये वाढली भीती, चिकन 45 रुपयांनी स्वस्त
देशातील कापसाचे उत्पादन मागील हंगामाच्या तुलनेत कमी
लखीमपूर खीरीची खेरीगढ गाय आहे आश्चर्यकारक, त्याची वैशिष्ट्ये वाचा